जोशी काका: काय तात्या, आज अगदी आनंदात दिसता आहात! काय झालं?
तात्या: अहो, आमच्या शेजारच्या कुलकर्ण्यांना १ लाख रुपयाची लॉटरी लागलीये!
जोशी काका: मग तुम्हाला का इतका आनंद झालाये?
तात्या: त्याला आता तिकिट सापडत नाहीये!
* स्थळ: (पुण्याशिवाय दुसरे असू शकत नाही)
पेशंट: डॉक्टर, प्लास्टिक सर्जरी करायची आहे, साधारण किती खर्च येईल?
डॉक्टर: ३ लाख रुपये.
पेशंट (थोडा विचार करून): आणि प्लास्टिक आम्ही आणून दिले तर..??
* पाहुणा: अहो Camp ला जायला कुठली बस पकडू?
पुणेरी: 20 नंबर ची पकडा.
पाहुणा: आणि ती नाही मिळाली तर?
पुणेरी: 10-10 च्या 2 पकडा.
* पुणेरी राँग नंबर
अः देशपांडे आहेत का?
बः (चिडून) पावनखिंड लढवायला गेलेत. काही निरोप?
अः त्यांना म्हणावं, महाराज गडावर पोचले. मेलात तरी चालेल!!