मराठी कविता : देता देता जवळचे "ती"झाली रीती

देता देता जवळचे "ती"झाली रीती,

"तिचाच"खेळ होता, तरीही हसत होती नियती.

होणारच जे जे होणारं होतं सगळं,

अपेक्षा असेल जरी, तरी घडणार न वेगळं.

म्हणून मनाला नेमेची करावं तय्यार अश्या क्षणांना,

डगमगणार ना कदापी, तिच्या खेळांना,

कमी जास्त होणार , यासाठी सज्ज रहावे,

खचून न जावे कधीच, घट्ट उभं राहावयास शिकावे.

निसर्गचक्र शिकवितो आपल्यास जगण्याची रीत,

थकता न कधीच, करावं कार्य अविरत.

...अश्विनी थत्ते