आधार

डॉ. सौ. उषा गडकरी

' कशी आहे?'
' बरी आहे.'

' काय करतेस?'
' रेटेत आहे.'

ND

' कोण सोबतीला?'
' माझी मीच.'

' हत् वेडे, इतका भरभक्कम आधार!
मग रेटते आहे काय म्हणतेस ?
सुसाट वेगाने पळते आहे म्हण.

असा आत्मनिर्भर, निरकुंश आधार
भल्या भल्यांना दुर्मिळ !
तुझी तूच होऊन राहा.

मुक्कामच येईल सामोरा तुला
दोन्ही भुजा उभारून
अभिवादन करेल तुला

मग तूच विचारशील मला
' काय? बरी आहेस ना? '

वेबदुनिया वर वाचा

• मराठी ज्योतिष
• लाईफस्टाईल
• बॉलीवूड
• मराठी बातम्या