माझ्यातला मी

- भावना दामले

ND ND

आपण आपले आपल्यालाच शोधत असतो.
प्रत्येक क्रियेतून, प्रत्येक प्रतिक्रियेतून
स्वत:ला शोधताना ठेचाळत जातो
जखमी होत जातो
तरीपण शोधत जातो
पूर्ण जीवनच एक शोध असतो
स्वत:ला ओळखायला
आपण मनाचा कानाकोपर्‍याचा शोध घेत असतो
आपण शोधत असतो
माझातला मी
कधी भेटतो कधी भेटत नाही
आणि भेटला तरी ओळख होत नाही
कधी आपणच भेटायचे टाळतो
नवीन - नवीन क्लृप्ती शोधून
हूलकावणी देत असतो
कारण माझ्यातला मी
नेहमी स्पष्ट व सत्यच सांगतो
आणि ते अप्रिय सत्य आवडत नाही.