प्रवासाला निघण्यापूर्वी बॅगेत 'या' १० गोष्टी ठेवायला विसरू नका

प्रवासाचा आनंद द्विगुणित करण्यासाठी आणि ऐनवेळी होणारी धावपळ टाळण्यासाठी, बॅग भरताना खालील १० महत्त्वाच्या गोष्टी तुमच्यासोबत आहे  की नाही, याची खात्री नक्की करा. 

१. ओळखीचा पुरावा  

आधार कार्ड, पॅन कार्ड, ड्रायव्हिंग लायसन्स किंवा पासपोर्ट यांच्या मूळ प्रती  आणि काही झेरॉक्स सोबत ठेवा. हॉटेल बुकिंग किंवा प्रवासादरम्यान याची गरज भासते.

२. प्रथमोपचार पेटी 

डोकेदुखी, ताप, पोटदुखी, अंगदुखी यांसारखी सामान्य औषधे, बँडेज, डेटॉल आणि तुमची नियमित सुरू असलेली औषधे एका लहान बॅगेत सोबत ठेवा.

३. पॉवर बँक आणि चार्जर 

प्रवासात नकाशा पाहण्यासाठी किंवा फोटो काढण्यासाठी मोबाईलचा वापर जास्त होतो, त्यामुळे बॅटरी लवकर संपते. अशा वेळी पॉवर बँक खूप कामाला येते.

४. पाण्याची बाटली आणि सुका मेवा 

प्रवासात नेहमी स्वतःची पाण्याची बाटली सोबत ठेवा. तसेच भूक लागल्यावर खाण्यासाठी ड्राय फ्रूट्स, बिस्किटे किंवा राजगिरा लाडू यांसारखे ऊर्जा देणारे पदार्थ जवळ ठेवा.

५. रोख रक्कम 

आजकाल सगळीकडे डिजिटल पेमेंट चालते, तरीही काही दुर्गम भागात किंवा नेटवर्क नसलेल्या ठिकाणी 'कॅश' असणे अत्यंत आवश्यक असते.

६. वैयक्तिक स्वच्छतेच्या वस्तू 

टूथब्रश, पेस्ट, साबण, शॅम्पू, सॅनिटायझर, सनस्क्रीन, ओले टिश्यू (Wet Wipes) आणि टॉवेल या गोष्टी आपल्या बॅगेत असायलाच हव्या.

७. हवामानानुसार कपडे  

तुम्ही कुठे जात आहात (थंड हवेचे ठिकाण की समुद्रकिनारा) हे पाहून कपडे निवडा. पावसाची शक्यता असल्यास छत्री किंवा रेनकोट सोबत ठेवा.

८. युनिव्हर्सल अडॅप्टर 

जर तुम्ही परदेशात जात असाल किंवा लांबचा प्रवास असेल, तर वेगवेगळ्या सॉकेट्ससाठी युनिव्हर्सल अडॅप्टर सोबत असणे सोयीचे ठरते.

९. डायरी आणि पेन 

काही महत्त्वाचे नंबर, पत्ता किंवा प्रवासातील आठवणी नोंदवण्यासाठी डायरी आणि पेन उपयोगी पडते. मोबाईल बंद पडल्यास हे खूप महत्त्वाचे ठरते.

१०. प्लास्टिक पिशव्या  

वापरलेले (घाण) कपडे ठेवण्यासाठी किंवा कचरा टाकण्यासाठी काही रिकाम्या प्लास्टिक पिशव्या किंवा कापडी पिशव्या सोबत ठेवा.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik