इटालियन फर्निचरचा उत्तम नमुना म्हणजे बिन बॅग्ज होय. उच्चभ्रू सोसायट्यातूनच नव्हे तर नवे घर घेणार्‍या प्रत्येकालाच आपल्या घरातही बिनची एखादी गोष्ट असावीच असा आग्रह असतो. पूर्वी ठरावीक शहरात विक्रीस असणार्‍या हे बिन सीरिज फर्निचर आता नाशिकमध्येही सहजपणे मिळते आहे. साधारणपणे ६00च्या पुढे अगदी लाखभर किमती असणार्‍या या बिन सीरिजमध्ये बिन चेअर, बिन बॅग्ज, बिन सोफा, बिन कोच, बिन बेड, बिन किड्स झोन, बिन गेम्स आदी वस्तू उपलब्ध आहेत. स्टायरोफोमने भरलेली ही बॅग्ज विविध रंगांत मिळते. दर्जेदार लेदर पॅकमध्ये उपलब्ध असणार्‍या बॅग्ज अर्थातच बिन फर्निचर अतिशय सुखद असते. हाताळायला तसे सोपे असतले तरी बच्चे कंपनींना हे फर्निचर वापरताना यावर उड्या मारताना थोडी खबरदारी घेण्याबाबतची सक्त ताकीद आधीच द्यावी.