लोखंडी वस्तूंना गंज चढण्याचा मोठा धोका असतो. विशेषत: पावसाळ्यात लोखंडी वस्तू लवकर खराब होतात. मात्र थोडी काळजी घेतल्यास लोखंडी वस्तूंचे आयुष्य वाढवता येते. आजकाल घरातही लोखंडी फर्निचर वापरण्याचा प्रघात वाढतोय. लोखंडी फर्निचर स्वस्त असतेच त्याचबरोबर दररोज स्वच्छ केलं नाही तरीही चालू शकते. काळजी घेतल्यास लोखंडी फर्निचर दीर्घकाळ टिकते. म्हणूनच लोखंडावर विशिष्ट रसायन अथवा धातूचा लेअर चढवावा.
सध्या बाजारात अनेक गंज प्रतिरोधक रसायने मिळतात. वातावरणातील ऑक्सिजनशी संयोग झाल्याने लोखंडी वस्तूवर गंज चढत असतो. गंज चढल्यास त्या वस्तूचा आकार बदलतो. त्याचप्रमाणे काळजी न घेतल्यास वस्तू निकामी ठरते. मात्र गंज प्रतिरोधक रसायनांमुळे हा धोका नष्ट होतो. गंज न चढण्यासाठी लोखंडी वस्तू पेंट करणे हा प्रचलित उपाय आहे. लोखंडी कपाट, दारे, अन्य फर्निचर आकर्षक रंगात रंगवल्यास रूप खुलते त्याचप्रमाणे गंजही चढत नाही. झिंकचे आवरण चढवल्यास लोखंडी वस्तूंना गंज चढत नाही. हा एक सोपा आणि स्वस्त उपाय आहे. याव्यतिरिक्त लोखंडी वस्तूंवर अँल्युमिनियमचा थरही चढवतात. यामुळेही गंजण्याचा धोका कमी होतो.