देशभक्ती

Shreya ND

मी एकदा बसने प्रवास करत होतो. एका स्टॉपवर बस थांबली. बसमध्ये एक प्रवासी बसला. कंडक्टरने त्या प्रवाशाकडून तिकिटाचे वीस रूपये घेतले आणि पुढे निघून गेला.

तिकिटाचे पैसे देऊनही तिकिट न मिळाल्याचे त्या प्रवाशाला लक्षात येताच त्याने कंडक्टरला तिकिटाची मागणी केली. त्यावर कंडक्टर म्हणाला, '' तुम्हाला जिथे उतरायचे तिथे उतरा. तिकीट कशाला पाहिजे.'' यावर प्रवासी भडकला आणि म्हणाला, '' मी तुला तिकिटाचे पैसे खाऊ देणार नाही, मी देशाचे नुकसान होऊ देणार नाही.'' त्यावर कंडक्टरने प्रवाशाच्या हातावर दहा रूपयाची नोट ठेवली आणि पुढे निघून गेला. नंतर तो प्रवासी त्याचे ठिकाण आल्यानंतर उतरून गेला. मी मात्र त्या दोघांच्या देशभक्तीवर विचार करत राहिलो.