साहित्य : 1 लीटर दूध, 50 ग्रॅम तांदळाचे पीठ, साखर चवीनुसार, 5-6 केशर काड्या गरम दुधात भिजलेल्या, 1 केळ, 1 चिकू, 1/2 सफरचंद, संत्र्याच्या काही फोडी, डाळिंबाचे दाणे, 1/2 चमचा वेलची पूड, सजावटीसाठी गुलाबाच्या पाकळ्या, चांदीचा वर्ख.
कृती : सर्वप्रथम सफरचंद, केळी, चिकू सोलून त्यांचे काप करावे. संत्र्याच्या फोडी सोलून घ्यावा. तांदळाच्या पिठात 1/2 कप दूध घालून त्याची पेस्ट तयार करावी. उरलेले दूध गरम करावे. उकळी आल्यावर त्यात तांदळाची पिठी घालून ढवळावे, त्यात साखर व केशर काड्या घालाव्या. नंतर त्यात वेलची पूड घालून हालवावे. मिश्रण थंड करावे. काचेच्या वाट्यात चिरलेल्या फळांच्या फोडी घालून वरून केसरी दूध घालावे. गुलाबाच्या पाकळ्या व चांदीचा वर्ख लावून सर्व्ह करावे. ही पाककृती दिसायला जितकी सुंदर आहे तेवढीच चवदार देखील आहे.