कच्च्या केळ्याचे थालिपीठ

साहित्य : दोन मोठी कच्ची केळी, भाजलेल्या शेंगदाण्याचा अर्धी वाटी कूट, अर्धा चमचा लाल तिखट किंवा हिरव्या मिरचीचा ठेचा, एक चमचा जिरेपूड, चवीपुरते मीठ, थोडेसे तूप. 

कृती : सर्वप्रथम साले काढून केळी किसावीत, त्यात दाण्याचा कूट, तिखट, जिरेपूड, मीठ घालून कालवावे. प्लॅ‍स्टिकच्या कागदावर लहान लहान थालिपीठे थापावीत. तव्यावर थोडे तूप घालून दोन्ही बाजूंनी थालिपीठे भाजावी.