बाबा सिद्दीकी हत्या प्रकरण : आरोपींनी युट्युबवरून बंदूक कशी चालवायची शिकले

बाबा सिद्दीकी हत्या प्रकरणात मुंबई पोलिसांनी मोठा खुलासा केला आहे. तसेच मुंबई पोलिसांनी सांगितले की, आरोपी नेमबाज गुरमेल सिंग आणि धर्मराज कश्यप हे यूट्यूबवर व्हिडिओ पाहून बंदूक शिकले होते आणि तेच आरोपी मुंबईत शूटिंगचा सराव करायचे. 

मिळालेल्या माहितीनुसार मुंबई गुन्हे शाखेने आतापर्यंत 4 आरोपींना अटक केली असून तीन आरोपी अद्याप फरार असून, त्यांचा शोध सुरू आहे. तसेच सापडलेल्या एका काळ्या पिशवीत त्यांना 7.62 एमएमची बंदूक सापडल्याचे मुंबई पोलिसांनी सांगितले.

बाबा सिद्दीकी यांच्या हत्येचा कट 3 महिन्यांपूर्वीच रचला गेल्याचे मुंबई पोलिसांनी सांगितले. तसेच आरोपी बाबा सिद्दीकी यांच्या घरी अनेकवेळा शस्त्रास्त्राविना गेले होते. मुंबई क्राईम ब्रँचकडून मिळालेल्या माहितीनुसार, बाबा सिद्दीकी यांच्या हत्येचे संपूर्ण नियोजन पुण्यात करण्यात आले होते. मुंबई गुन्हे शाखेने आतापर्यंत 15 हून अधिक लोकांचे जबाब नोंदवले आहे, ज्यात घटनेच्या वेळी उपस्थित असलेल्या अनेक प्रत्यक्षदर्शींचा समावेश आहे.