Webdunia - Bharat's app for daily news and videos

Install App

जोगेश्वरीत नोकराने केला मालकाचा खून, मालकिणीवर खुनी हल्ला

Webdunia
गुरूवार, 16 फेब्रुवारी 2023 (11:20 IST)
जोगेश्वरी येथील मेघवाडी परिसरात मालक आणि मालकिणीवर खुनी हल्ला करून नोकर फरार झाला. या घटनेत मालक सुधीर चिपळूणकर यांचा मृत्यू झाला, तर मालकीण सुप्रिया चिपळूणकर यांच्यावर रुग्णालयात उपचार सुरू आहेत. या प्रकरणी संशयित पप्पू कोळीला पोलिसांनी अटक केली आहे. 
 
पोलिसांनी दिलेल्या माहितीनुसार, सुधीर चिपळूणकर आणि त्यांची पत्नी सुप्रिया चिपळूणकर हे जोगेश्वरी पूर्व येथील श्री समर्थ सोसायटीत राहत होते. सोमवारी रात्री उशिरा नोकर पप्पू याने मालक आणि त्याच्या पत्नीवर धारदार शस्त्राने जीवघेणा हल्ला करून पळ काढला. स्थानिक नागरिकांनी तात्काळ सुधीर आणि सुप्रिया यांना जवळच्या रुग्णालयात दाखल केले, मात्र डॉक्टरांनी सुधीरला मृत घोषित केले. रुग्णालयात सुप्रिया चिपळूणकर यांची प्रकृती चिंताजनक असल्याचे सांगण्यात येत आहे.
 
मिळालेल्या माहितीनुसार चिपळूणकर यांची मुलं परदेशात राहतात. अशात यांची काळजी घेण्यासाठी त्यांनी ऑनलाइन खासगी एजन्सीमधून पप्पू कोळी याला केअर टेकर म्हणून नेमलं होतं. परंतु त्या केअर टेकरने चोरीच्या उद्देशाने चिपळूणकर दाम्पत्यावर हल्ला केला. 
 
पोलिसांनी पप्पूची चौकशी केल्यानंतर त्याच्यावर यापूर्वी चोरीचा गुन्हा असल्याची बाब उघडकीस आली आहे अशात एजन्सीमार्फत नियुक्त करुन सुद्धा सुरक्षेची हमी नसल्यामुळे परिसरात खळबळ उडाली आहे.

संबंधित माहिती

SCO vs AUS : ऑस्ट्रेलियाचा स्कॉटलंडवर पाच गडी राखून विजय, स्कॉटलंड स्पर्धेतून बाहेर

ईव्हीएम AI द्वारे हॅक होऊ शकतात इलॉन मस्कचा इशारा

क्रेडिट कार्डाच्या मदतीनं कोट्यवधी लुटणाऱ्या ठगाची कबुली; कसे लुटले आणि उधळले पैसे

पाकिस्तानच्या यूएन मिशनवर सायबर हल्ला

सुमित नागलची उत्कृष्ट कामगिरी,पेरुगिया चॅलेंजरच्या उपांत्य फेरीत

Father’s Day Wishes 2024:पितृ दिनाच्या हार्दिक शुभेच्छा

History of Fathers Day फादर्स डे कधी, कसा आणि का सुरू झाला?

फादर्स डे निबंध मराठी Father’s Day 2024 Essay

SCO vs AUS :ऑस्ट्रेलिया आणि स्कॉटलंड यांच्यातील T20 विश्वचषक सामना रविवारी, प्लेइंग 11 जाणून घ्या

केंद्रीय राज्यमंत्री रामदास आठवलेंचा खर्गे यांना सल्ला म्हणाले-

पुढील लेख
Show comments