केंद्रीय मंत्री नितीन गडकरी महाराष्ट्रातील प्रचाराचे नेतृत्व करणार

मुंबई. आगामी महाराष्ट्र विधानसभा निवडणुकीत केंद्रीय रस्ते वाहतूक मंत्री नितीन गडकरी प्रचाराचे नेतृत्व करणार आहेत. तसेच त्यांच्यासह उपमुख्यमंत्री देवेंद्र फडणवीस, माजी केंद्रीय मंत्री रावसाहेब दानवे पाटील, राज्य सरकारचे मंत्री सुधीर मुनगंटीवार, प्रदेशाध्यक्ष चंद्रशेखर बावनकुळे यांच्यासह राज्यातील 20नेत्यांचा स्टार प्रचारकांच्या यादीत समावेश करण्यात आला आहे.

मिळालेल्या माहितीनुसार येत्या काही आठवड्यात महाराष्ट्र विधानसभेच्या निवडणुका जाहीर होणार आहेत. त्यासाठी सर्वच पक्षांनी तयारी सुरू केली आहे. नुकत्याच झालेल्या लोकसभा निवडणुकीत मोठा फटका बसलेल्या भारतीय जनता पक्षालाही यावेळी कोणतीही कसर सोडायची नाही. त्यामुळे त्यांनी आतापासूनच निवडणूक प्रचाराची तयारी सुरू केली आहे. यासाठी पक्षाने सुमारे 25 राज्यातील भाजप नेत्यांची टीम जाहीर केली आहे.