अल कायदाच व्हिडिओत नरेंद्र मोदींचे नाव

अल कायदा या दहशतवादी संघटनेच्या व्हिडिओत प्रथमच पंतप्रधान नरेंद्र मोदींचे नाव आल्याने देशातील सुरक्षा यंत्रणा दक्ष झाल्या आहेत. गुप्तचर खाते या व्हिडिओची तपासणी करत असून, त्यात त्यांना धमकीचा सूर जाणवत नाही. परंतु, मोदींची चिथावणीखोर भाषणे हा मुस्लीमविरोधातील युद्धाचाच भाग असल्याचा गंभीर आरोप या व्हिडिओत करण्यात आला आहे. अल कायदाच्या भारतीय उपखंडातील शाखेने 2 मे रोजी एक व्हिडिओ प्रक्षेपित केला आहे. ‘फ्रॉम फ्रान्स टू बांगलादेश : द डस्ट विल नेव्हर सेटल डाउन’ असे शीर्षक असलेल्या या व्हिडिओत असिम उमरचा आवाज आहे.