तामिळनाडूमध्ये फटाक्यांच्या कंपनीला आग, भीषण स्फोटात 10 लोकांचा मृत्यू

तामिळनाडूच्या दक्षिण वीरूधून नगर जिल्ह्यात शिवकाशीच्या सेंगामालपट्टी गावात फटाक्याच्या कंपनीमध्ये स्फोट झाल्याने 10 जणांचा मृत्यू झाल्याची बातमी समोर आली आहे. मृतांमध्ये सहा महिला असून 4 पुरुष आहे. पोलिसांनी सांगितले की, यामध्ये 13 लोक गंभीररीत्या भाजले आहेत. व त्यांना रुग्णालयात उपचारासाठी पाठवण्यात आले आहे. 

हा स्फोट गुरुवारी दुपारी झाला जेव्हा शंभर कर्मचारी फटाके कंपनीमध्ये फॅन्सी फटाके बनवत होते. या अपघातात सहा जणांचा जागीच मृत्यू झाला. आणि तीन जणांचा रुग्णालयात मृत्यू झाला. 

स्फोट झाल्यानंतर बचाव अभियान नंतर एक कर्मचारी बेपत्ता असल्याची माहिती मिळाली. नंतर रात्रीपर्यंत जळालेल्या व्यक्तींचे अवयव मलबा मधून मिळवण्यात आले. या प्रकरणात पोलिसांनी फटाके कंपनीचे मालक आणि इतर दोन जणांविरूद्ध केस नोंदवली आहे. 

राष्ट्रपति द्रौपदी मुर्मू, तमिलनाडुचे राज्यपाल आर.एन.रवि, मुख्यमंत्री एम.के.स्टालिन आणि भाजपा प्रदेश अध्यक्ष के.अन्नामलाई, टीएनसीसी प्रमुख के.सेल्वापेरुन्थागई, टीएमसी नेता जी.के.वासन, पीएमके नेत्यांसहित वेगवेगळ्या राजनीतिक दलाच्या नेत्यांनी फटाके विस्फोट मध्ये झालेल्या मृत व्यक्तींकरिता दुःख व्यक्त केले आहे. 

Edited By- Dhanashri Naik