एक हृदयद्रावक घटनेत 27 दिवसांच्या बाळाचे डोके भिंतीवर आपटून मारल्याप्रकरणी एका आईला अटक करण्यात आली आहे. पोलिसांनी ही माहिती दिली. अकाली जन्मलेले बाळ प्रकृती अस्वास्थ्यामुळे सतत रडत होते, त्यामुळे 21 वर्षीय आईने हे पाऊल उचलल्याचे पोलिसांनी सांगितले. ही घटना केरळ येथील आहे.
पोलिसांनी सांगितले की ही घटना 9 डिसेंबर रोजी घडली आणि त्याच दिवशी रात्री 11 वाजता बाळाला रुग्णालयात नेण्यात आले. पोलिसांनी सांगितले की, डॉक्टरांना दाखविल्यानंतर मुलाला घरी परत आणण्यात आले, परंतु नंतर दिवसा मुलाची प्रकृती बिघडली आणि त्याला तालुक्यातील रुग्णालयात नेण्यात आले, तेथे त्याचा मृत्यू झाला.
त्यानंतर आश्रम चालवणारे फादर जोजी थॉमस यांच्या जबानीच्या आधारे गुन्हा दाखल करण्यात आल्याचे पोलिसांनी सांगितले. ही महिला या आश्रमाच्या स्वयंपाकघरात काम करते आणि तिच्या 45 वर्षीय प्रियकरसोबत राहते. 10 डिसेंबर रोजी बाळाचे शवविच्छेदन केल्यानंतर डॉक्टरांनी पोलिसांना सांगितले की, मुलाच्या डोक्यावर जखमेच्या खुणा आहेत. यानंतर अधिकाऱ्याने मुलाच्या पालकांची चौकशी केली.
चौकशीदरम्यान पोलिसांना कळले की, महिला आणि तिच्या प्रियकराचा फोनवरून संपर्क झाला आणि ते आश्रमात एकत्र राहू लागले. मुलाच्या वडिलांचे आधीच लग्न झाले असून महिलेला याची माहिती असल्याचे पोलिसांनी सांगितले. त्याने सांगितले की, नंतर अधिक चौकशीत उघड झाले की महिलेने स्वतःच आपल्या मुलाची हत्या केली होती, त्यानंतर तिला अटक करण्यात आली.