अमरोहामध्ये एक हृदय हेलावून टाकणारी घटना समोर आली आहे. येथे 20 तुकड्यांमध्ये एका गर्भवती मुलीचा मृतदेह आढळून आला. मृतदेह दोन मोठ्या पिशव्यांमध्ये भरून रस्त्यालगतच्या झुडपात फेकून देण्यात आला. मात्र, अद्याप मुलीची ओळख पटलेली नाही. पोलिसांनी मृतदेह शवविच्छेदनासाठी पाठवला. हे प्रकरण नौगावा सादत पोलीस स्टेशन हद्दीतील खेतापूर गावातील आहे.
रस्त्यावरून जाणाऱ्यांना काही पिशव्या झुडपात पडलेल्या दिसल्यानंतर त्यांनी पोलिसांना माहिती दिली. पोलिसांनी घटनास्थळी पोहोचून तपासणी केली असता त्यांना मृतदेह प्लास्टिकच्या छोट्या पिशव्यांमध्ये टाकलेल्या अवस्थेत दिसला. पोलिसांनी सांगितले की, मंडी धनुरा ते बिजनौरला जाताना रस्त्यापासून सुमारे 300 मीटर अंतरावर हा मृतदेह सापडला. एका पिशवीत डोके व कंबरेचा भाग आढळून आला, तर दुस-या पिशवीत कमरेचा खालचा भाग व पायांचे तुकडे भरलेले होते. याशिवाय मारेकऱ्यांनी मुलीच्या दोन्ही हातांचे अनेक तुकडे केले.
मारेकरी इतका क्रूर होता की त्याने शरीराचे अवयव लहान प्लास्टिकच्या पिशव्यांमध्ये गुंडाळले होते. जेणेकरून त्यातून रक्त बाहेर पडू नये. मृतदेह पाहून पोलिसांनी मुलगी गर्भवती असल्याचे सांगितले. शव विच्छेदनासाठी मृतदेह पाठवले आहे. त्यानंतर सत्य समोर येईल. मृतदेह इलेक्ट्रिक कटरने कापल्याचा पोलिसांना संशय आहे. गावातील लोकांकडेही चौकशी करण्यात आली, मात्र मुलीची ओळख अद्याप पटू शकली नाही. पोलिसांनी दिलेल्या माहितीनुसार, मुलीच्या चेहऱ्यावर रक्ताचे डाग आढळून आले आहेत.
पोलिसांनी घटनेच्या मार्गावर लावलेले सीसीटीव्हीही तपासले. फॉरेन्सिक तपासानुसार मुलीची हत्या अन्यत्र करण्यात आली असून मृतदेह इथे फेकण्यात आला आहे. एका मुलीचा मृतदेह सुमारे 20 तुकड्यांमध्ये सापडला आहे. ओळखता येत नाही. मात्र, चेहऱ्याचा फोटोही प्रसारित केला जात आहे. ओळख पटल्यानंतर मारेकऱ्यांचा शोध घेतला जाईल. सध्या, तपास चालू आहे.