भीषण स्फोटात 7 जण जिवंत जळाले, मृतांची संख्या वाढू शकते

Jaipur News: राजस्थानची राजधानी जयपूरमध्ये जयपूर-अजमेर महामार्गावर शुक्रवारी सकाळी एलपीजी सिलिंडरने भरलेल्या ट्रकची सीएनजी टँकरला धडक बसली. त्यामुळे दोन्ही टँकरमध्ये भीषण आग लागली. या अपघातात एलपीजी गॅसने भरलेल्या टँकरचा स्फोट होऊन आजूबाजूचा 200 मीटरचा परिसर आगीच्या गोळ्यात बदलला. या अपघातात एलपीजी गॅसने भरलेल्या टँकरचा स्फोट होऊन आजूबाजूचा २०० मीटरचा परिसर आगीच्या गोळ्यात बदलला. महामार्गाच्या बाजूला उभ्या असलेल्या 40 वाहनांना आग लागली. त्यामुळे सुमारे 35 जण 50 टक्क्यांहून अधिक भाजले आहे. याशिवाय 7 जण जिवंत जळाले आहे. 

मिळालेल्या माहितीनुसार,  अपघाताच्या वेळी अनेक वाहने अशा ठिकाणी होती की लोकांना बाहेर पडण्याची संधीच मिळाली नाही. टँकरच्या पाठीमागे धावणारी स्लीपर बस आणि महामार्गाच्या कडेला असलेली पाईप फॅक्टरीही जळाली. स्फोट आणि आगीमुळे महामार्ग बंद करण्यात आला आहे. माहिती मिळताच अग्निशमन दलाच्या अनेक गाड्या आणि रुग्णवाहिकांसह मोठ्या संख्येने पोलीस घटनास्थळी पोहोचले. अग्निशमन दलाचे पथक आग विझवण्यात व्यस्त आहे. पोलीस पथकाच्या मदतीने सर्व जखमींना रुग्णवाहिकेतून रुग्णालयात उपचारासाठी दाखल करण्यात आले. रुग्णालयात दाखल असलेल्या अनेकांची प्रकृती गंभीर आहे. त्यामुळे मृतांचा आकडा वाढण्याची शक्यता आहे.

अपघाताची माहिती मिळताच मुख्यमंत्री भजनलाल शर्मा जयपूरच्या सवाई मानसिंग रुग्णालयात पोहोचले आहे. त्यांनी या अपघाताबद्दल शोक व्यक्त केला.  

Edited By- Dhanashri Naik