आम आदमी पक्षाचे संयोजक आणि दिल्लीचे विद्यमान मुख्यमंत्री अरविंद केजरीवाल यांच्या जीवनावरील सिनेमाचा ट्रेलर रिलीज झाला आहे. ‘अॅन इनसिग्निफिकेन्ट मॅन’ असे या सिनेमाचं नाव आहे. खुशबू रांका आणि विनय शुक्ला यांनी दिग्दर्शित केलेला हा नॉन-फिक्शनल पॉलिटिकल सिनेमा आहे.
सामाजिक कार्यकर्ता ते राजकीय नेता आणि दिल्लीच्या मुख्यमंत्रिपदापर्यंतचा प्रवास या सिनेमातून मांडण्यात आला आहे. स्वत: अरविंद केजरीवाल, तसेच योगेंद्र यादव, शीला दीक्षित, पंतप्रधान नरेंद्र मोदी यांच्यासह केजरीवालांचे अनेक सहकारीही या नॉन-फिक्शनल सिनेमात दिसतात.
या सिनेमावर सेन्सॉर बोर्डाचे माजी अध्यक्ष पहलाज निहलानी यांनी आक्षेप नोंदवला होता.त्यानंतर अखेर सेन्सॉर बोर्डाने या सिनेमाला प्रदर्शित करण्यास परवानगी दिली. येत्या 17 नोव्हेंबर रोजी हा सिनेमा प्रदर्शित होणार आहे.