15 दिवसात पैसे दुप्पट करण्याच्या नावाखाली 4 महिन्यात 250 कोटींची फसवणूक, जाणून घ्या प्रकरण IB आणि रॉकडे का पोहोचले?

देहरादून / नोएडा. उत्तराखंड एसटीएफ(Uttarakhand STF) ने एक मोठा घोटाळा उघडकीस आणला आहे. तर एसटीएफने 250 कोटींची फसवणूक (250 Crores Cheating) केल्याप्रकरणी उत्तर प्रदेशच्या नोएडा येथून एका आरोपीला अटक केली आहे. आश्चर्य म्हणजे केवळ 4 महिन्यांच्या कालावधीत ही फसवणूक केली गेली आहे. तर चीनच्या स्टार्टअप योजनेंतर्गत बनविलेल्या अॅपद्वारे ही फसवणूक केल्याचे उघडकीस आले आहे.

चीनच्या एका स्टार्टअप योजनेअंतर्गत तयार झालेल्या एका एपने लोकांना गंडा घातला आहे. देशातल्या जवळपास ५० लाख लोकांनी हे एप डाऊनलोड केलं होतं. या एपच्या माध्यमातून लोकांना १५ दिवसात पैसे दुप्पट होणार असल्याचं आमिष दाखवलं जात होतं. पैसे दुप्पट होतील असं सांगून लोकांना आधी पॉवर बँक हे एप डाऊनलोड करायला सांगितलं जायचं आणि त्यानंतर तुमचे पैसे आता १५ दिवसांमध्ये दुप्पट होतील असं आमिष दाखवलं जायचं.

आरोपींकडून 592 सिमकार्ड आणि 19 लॅपटॉप जप्त केले

उत्तराखंड एसटीएफच्या एसएसपीच्या म्हणण्यानुसार, चौकशीत आरोपी पवन पांडे याला नोएडा येथून अटक करण्यात आली आहे. आरोपींकडून 592 सिमकार्ड, 19 लॅपटॉप, 5 मोबाइल फोन, चार एटीएम कार्ड आणि एक पासपोर्ट जप्त करण्यात आला आहे. इतकेच नाही तर ही रक्कम क्रिप्टो चलनात रूपांतर करून परदेशात पाठविली जात असल्याचे एसटीएफला तपासात समजले. या प्रकरणात डेहराडूनचे एडीजी अभिनव कुमार म्हणाले की, 250 कोटींच्या फसवणूकीची माहिती अन्य तपास यंत्रणे आयबी आणि रॉ यांना देण्यात आली आहे. यासह ज्यांची नावे समोर येत आहेत अशा परदेशी लोकांच्या दूतावासाकडून माहिती घेतली जात आहे. त्याचवेळी त्यांनी सांगितले की या प्रकरणात उत्तराखंडमध्ये दोन आणि बंगळुरूमध्ये एक गुन्हे दाखल झाले आहेत.