केदारनाथमध्ये मोठा अपघात टळला, पायलटसह 7 जणांना घेऊन हेलिकॉप्टरचे इमर्जन्सी लँडिंग

केदारनाथ यात्रेदरम्यान पायलटसह सात जणांना घेऊन जाणाऱ्या हेलिकॉप्टरला तांत्रिक बिघाडामुळे शुक्रवारी पहाटे उत्तराखंडमधील केदारनाथमध्ये आपत्कालीन लँडिंग करावे लागले. एका अधिकाऱ्याने दिलेल्या माहितीनुसार, हेलिकॉप्टर हिमालय मंदिराजवळील हेलिपॅडपासून काही मीटर अंतरावर उतरले. पायलटसह विमानातील सातही जण सुरक्षित असल्याची पुष्टी अधिकाऱ्याने केली.

हेलिकॉप्टर पायलटच्या हुशारीमुळे अनेक यात्रेकरूंचे प्राण वाचू शकले. क्रिस्टलच्या हेलिकॉप्टरचे रडर खराब झाल्याने प्रवाशांनी भरलेल्या हेलिकॉप्टरचे इमर्जन्सी लँडिंग करावे लागले. हेलिकॉप्टरच्या इमर्जन्सी लँडिंगचा व्हिडिओही समोर आला आहे. हेलिकॉप्टरला हेलिपॅडपासून 100 मीटर अंतरावर आपत्कालीन लँडिंग करावे लागले.