राहुल गांधींविरोधात FIR दाखल, दिल्ली पोलिसांनी तपास क्राईम ब्रांचकडे सोपवला,

Rahul Gandhi news: संसदेच्या हिवाळी अधिवेशनाचा आज शेवटचा दिवस आहे. गुरुवारी झालेल्या धक्काबुक्कीत आणि भाजपचे दोन खासदार जखमी झाल्यानंतर लोकसभेतील विरोधी पक्षनेते राहुल गांधी यांच्या विरोधात एफआयआर दाखल करण्यात आला आहे. दिल्लीतील संसद मार्ग पोलिस स्टेशनमध्ये दाखल करण्यात आलेल्या एफआयआरमध्ये राहुल गांधींवर धमकावण्याची तसेच सामूहिक गुन्ह्याची कलमे लावण्यात आली आहे.

मिळालेल्या माहितीनुसार दिल्ली पोलिसांनी या प्रकरणाचा तपास क्राईम ब्रांचकडे सोपवला आहे. याशिवाय लोकसभा अध्यक्षांनाही राहुल गांधींविरोधात दाखल करण्यात आलेल्या एफआयआरबाबत माहिती देण्यात आली आहे. गुन्हे शाखा आता सीसीटीव्ही फुटेजसाठी लोकसभा सचिवालयाशी बोलणार आहे. त्यानंतर तपास पुढे नेण्यात येईल. याप्रकरणी क्राइम ब्रँच राहुल गांधी यांची चौकशी करू शकते. तसेच राहुल गांधी आणि अमित शहा यांच्या आंबेडकरांवरील वक्तव्याविरोधात दाखल एफआयआरविरोधात काँग्रेस आज देशभरात आंदोलन करणार आहे अशी माहिती समोर आली आहे.  

Edited By- Dhanashri Naik