तामिळनाडूतील कुन्नूरजवळ हेलिकॉप्टर अपघातातून बचावलेले ग्रुप कॅप्टन वरुण सिंग यांचा रुग्णालयात मृत्यू झाला आहे. भारतीय हवाई दलाने याबाबत माहिती दिली. वायुसेनेचे मीडिया समन्वय केंद्र (IAF- MCC) ने एका निवेदनात म्हटले आहे - भारतीय वायुसेनेला ब्रेव्ह ग्रुप कॅप्टन वरुण सिंग यांच्या निधनाची माहिती देताना खूप दुःख होत आहे. आज सकाळी त्यांचे निधन झाले. भारतीय हवाई दल त्यांच्या कुटुंबासोबत आहे.
गेल्या आठवड्यात, CDS जनरल बिपिन रावत, त्यांची पत्नी मधुलिका रावत आणि अन्य 11 लष्करी जवानांना कुन्नूर येथे हेलिकॉप्टर अपघातात प्राण गमवावे लागले, तर जखमी अधिकारी सिंग यांच्यावर बेंगळुरूमध्ये उपचार सुरू होते.