दिल्लीचे मुख्यमंत्री अरविंद केजरीवाल यांच्यावर भ्रष्टाचाराचे आरोप करणारे आपचे आमदार कपिल मिश्रा यांना बुधवारी भर दिल्ली विधानसभेत मारहाण करण्यात आली. लोकशाहीच्या पवित्र मंदिरातच आपचे आमदार कपिल मिश्रा यांच्यावर तुटून पडले.
प्रकरण हाताबाहेर जात असल्याचे दिसताच विधानसभेतील मार्शल्सकरवी कपिल मिश्रा यांना सभागृहाबाहेर काढण्यात आले. कपिल मिश्रा यांनी केजरीवालांवर आरोप केल्यानंतर त्यांना पक्षातून निलंबित करण्यात आले. महापालिका निवडणुकीच्या निकालानंतर कपिल मिश्रा यांना मंत्रिपदावरुन हटवण्यात आले.