Odisha: ओडिशा रेल्वे अपघातात 50 जणांचा मृत्यू, 350 हून अधिक जखमी, मृतांच्या नातेवाईकांना प्रत्येकी 10 लाखांची मदत
शुक्रवार, 2 जून 2023 (23:01 IST)
ओडिशातील बालासोर जिल्ह्यातील बहनगा रेल्वे स्थानकाजवळ भीषण रेल्वे अपघात झाला. बहनागा स्टेशनजवळ कोरोमंडल एक्सप्रेस आणि मालगाडीची धडक झाली. अधिकाऱ्यांनी सांगितले की, आतापर्यंत 50 जणांचा मृत्यू झाला आहे, तर 350 हून अधिक जण जखमी झाले आहेत. त्याचवेळी शोध आणि बचाव कार्यासाठी पथके घटनास्थळी पोहोचली आहेत. गाड्यांची टक्कर इतकी जोरदार होती की कोरोमंडल एक्सप्रेस रुळावरून घसरली आणि तिचे अनेक डबे मालगाडीला धडकले.
तीन गाड्यांच्या धडकेत दुरांतो एक्सप्रेस आधी मालगाडीला धडकली, त्यानंतर कोरोमंडलही येऊन धडकली. रेल्वेचे इंजिन मालगाडीच्या डब्यांवर चढल्याचे चित्रांमध्ये स्पष्ट दिसत आहे. रेल्वे मंत्रालयाने मृतांच्या नातेवाईकांना नुकसान भरपाई जाहीर केली आहे. केंद्रीय रेल्वे मंत्री अश्विनी वैष्णव यांनी मृतांच्या नातेवाईकांना 10 लाख रुपये, गंभीर जखमींना 2 लाख रुपये आणि किरकोळ जखमींना 50,000 रुपयांची मदत जाहीर केली आहे.
पीएम मोदींनी शोक व्यक्त केला. त्यांनी केंद्रीय रेल्वे मंत्री अश्विनी वैष्णव यांच्याशी बोलून परिस्थितीचा आढावा घेतला.
अपघातातील 132 जखमींना सोरो सीएचसी, गोपाळपूर सीएचसी आणि खंटापाडा पीएचसीमध्ये हलवण्यात आले. दुसरीकडे, ओडिशा राज्य आपत्ती व्यवस्थापन प्राधिकरणाचे एमडी म्हणाले की, 47 जखमींना बालासोर येथील वैद्यकीय महाविद्यालयात आणण्यात आले आहे.
ओडिशाच्या बालासोर जिल्ह्यात ट्रेन रुळावरून घसरलीबाधित विभागात अनेक गाड्या रद्द करण्यात आल्या तर काही वळवण्यात आल्या.
रेल्वे प्रशासनाने या मार्गावरील सर्व गाड्या थांबवल्या आहेत. यासोबतच या अपघाताबाबत प्रशासनाने आपत्कालीन नियंत्रण कक्ष क्रमांक 6782262286 जारी केला आहे.
ओडिशाच्या मुख्यमंत्र्यांनी राज्यमंत्री प्रमिला मल्लिक आणि विशेष मदत आयुक्त (SRC) यांना तातडीने अपघातस्थळी पोहोचण्याचे निर्देश दिले. मंत्री आणि एसआरसी घटनास्थळी रवाना झाले आहेत.
Edited by - Priya Dixit