बड्या हिरोईनचे चित्र पटात जे नखरे सुरू असतात ते काही लोकांना नवे नाहीत. अभिनेत्रीची 'खासदार' बनलेल्या रेखाचे नखरे मात्र दिल्लीतही सुरू असल्याचे म्हटले जात आहे. रेखाला दिल्लीत महार ाष्ट्र सदनमध्ये उतरवण्यात आले होते, मात्र त्याऐवजी तिला पंचतारांकित हॉटेल हवे होते. जोपर्यंत अशी सोय होत नाही तोपर्यंत आपण एफडीआयबाबत सरकारकडून मत देणार नाही हे तिने स्पष्ट केले होते. दिल्लीत राहण्यासाठी मनपसंद जागा न मिळाल्याने रेखा नाराज आहे. तिला महाराष्ट्र सदनमधील रूमही पसंत नव्हती. त्यामुळे तिने एफडीआयसाठी मत देण्यापूर्वी आपली याबाबतची अट समोर ठेवली होती. ज्यावेळी तिला पंचतारांकित हॉटेलातील निवासाबाबतचे आश्वासन देण्यात आले त्याचवेळी तिने राज्यसभेत जाऊन एफडीआयच्या विषयावर सरकारच्या बाजूने मत दिले. रेखाबरोबर सचिनचीही राज्यसभेतसाठी निवड झाली असली तरी तो कोलकाता कसोटीमुळे मतदानासाठी येऊ शकला नाही.