जगातील सर्वोच्च माउंट एव्हरेस्ट शिखरावर हिमकडा कोसळल्याने 12 नेपाळीगिर्यारोहकांचा मृत्यू झाला. 10 जण जखमी झाले आहेत. शुक्रवारी सकाळी ही दुर्घटना घडली. सुमारे पाच हजार 800 मीटर उंचीवर गिर्यारोहक अडकले होते, अशी माहिती नेपाळच्या पर्यटन विभागाच्या अधिकार्यांनी दिली.
सर्व गिर्यारोहक उंच शिखरावर चढाई करत असताना हिमकडा कोसळल्याने ही दुर्घटना घडली. सुरुवातीला चार मृतदेह मिळाले होते. मात्र आठ जण बर्फाच्या ढिगार्याखाली गाडले गेले होते. या घटनेतील हे सर्वजण २९ हजार फूट उंचीवरील शिखरावर जाण्यासाठी अगोदर दोर लावावेत यासाठी पहाटे गेले होते.