जगातला सर्वात स्लीमेस्ट जिओनी एलाईटचे फोटो लिक

चिनी स्मार्टफोन उत्पादक कंपनी जिओनी ने जगातील सर्वात स्लीमेस्ट स्मार्टफोन तयार केला असून या स्मार्टफोनचे फोटो इंटरनेटवर लिक झाले आहेत. वर्ल्डस स्लीमेस्ट फोन या टॅगलाईनखाली हा फोन बाजारात आणला जाणार असून जिओनी एलाईट एस 5.1 असे त्याचे नामकरणही केले गेले आहे. प्रसिद्ध झालेल्या फोटोंवरून जिओनी एलाईटची जाडी केवळ 5 मिमी इतकी आहे. 4.8 इंचाचा स्क्रीन, 16 जीबी इंटरनल मेमरी, टूजी, थ्रीजी, फोरजी कनेक्टीव्हीटी, 4.3 अँड्रॉईड शिवाय एमिगो 2.0 युजर इंटरफेस अशी त्याची अन्य वैशिष्टय़े आहेत. हा फोन बाजारात कधी सादर केला जाणार ती तारीख अद्यापि कंपनीने जाहीर केलेली नाही.