आयफोनचे चाहते मागील अनेक दिवसांपासून अॅपलच्या आयफोन 7 ची वाट बघत आहेत. हा स्मार्टफोन येण्याआधीपासनूच याची जोरदार चर्चा रंगली असून यात कोणते फीचर्स असतील याची उत्सुकता आणि चर्चाही सुरू आहे. आयफोन 7 चे फीचर्स काही दिवसांपूर्वी लीक झाल्याच्या बातम्या प्रसिद्ध झाल्या आहेत. त्या बातम्यांनुसार अनेक नवे बदल आयफोन 7 मध्ये बघायला मिळणार आहेत.
आयफोन 7 चे क्लिकेबल होम बटन आता हद्दपार होणार असून त्याऐवजी टच बटन येणार आहे. हा तब्बल 256 जीबी रॅमसह येणार अशीही चर्चा असल्यामुळे आयफोन 7 बद्दल आयफोन चाहत्यांमध्ये कमालीची उत्सुकता वाढली आहे.
स्पेस ग्रे हा रंग आयफोनची खरी ओळख पण आता हाच रंग हद्दपार होणार आहे. त्याऐवजी निळ्या रंगात आयफोन 7 पाहायला मिळण्याची शक्यता असून आपल्या डिझाइनमध्येही आयफोन बदल करणार आहे. तसेच ड्यूल लेन्स कॅमेराही असणार आहे, अशी माहिती समोर आली आहे.
आता आयफोन 7 निळ्या रंगात येतो की आपल्या पूर्वीच्याच रंगामध्ये हे पाहणे महत्त्वाचे ठरणार आहे.