कार्बनने आपल्या सर्व वेबसाईटवर नवीन व्हॉईस कॉलिंग टॅब्लेट एसटी ७२ या टॅब्लेटची लिस्ट केली आहे. १0२४ बाय ६00 पिक्सल रिझोल्युशनसोबत ७ इंच टचस्क्रीन डिस्प्लेवाला टॅब्लेट असून १.३ जीएचजेड ड्युअल-कोअर प्रोसेसर व ५१२ एमबीचा रॅम आहे. यामध्ये ४ जीबीचा इंटरनल स्टोअरेज आहे, ज्याला मायक्रो एसडी कार्डच्या सपोर्टने ३२ जीबीपर्यंत वाढवले जाऊ शकते. यामध्ये ३.२ एमपी रिअर व फ्रंट कॅमेरा आहे.
तसेच ऑपरेटिंग सिस्टिम अँड्रॉईड ४.४.२ किटकॅटवर आधारित या टॅब्लेटमध्ये २८00 एमएएचची बॅटरी लावलेली आहे. कनेक्टिव्हिटीसाठी यामध्ये ३जी, ब्ल्यूटूथ, मायक्रो-यूएसबी, जीपीएस, वाय-फाय ८0२ ए/बी/जी/एन आहे. तसेच कार्बनने टायटेनियम एस १२ डिलाईट बजेट स्मार्टफोनसुद्धा लाँच केला आहे. हा फोन ४,४६९ रुपये किमतीत वेबसाईटवर उपलब्ध आहे. टायटेनियम एस १२ डिलाईट स्मार्टफोन ४८0 बाय ८00 पिक्सल रिझोल्युशनसोबत ४.३ इंच टीएफटी एलसीडी डिस्प्ले आहे. ए १.३ जीएचजेड क्वाड कोअर प्रोसेसरसोबत ५१२ एमबीचा रॅम आहे. यामध्ये ४ जीबीचे इंटरनल स्टोअरेज आहे. ज्यामध्ये मायक्रो एसडी कार्डच्या मदतीने ३२ जीबीपर्यंत वाढवण्याची क्षमता आहे. यामध्ये ५ एमपीचा रिअर कॅमेरा व 0.३ एमपीचा फ्रंट कॅमेरा आहे. हा ड्युअल सिम डिव्हाईस अँड्रॉईड ४.४ किटकॅटवर आधारित आहे. यामध्ये १६00 एमएएचची बॅटरी लावलेली आहे.