पुण्यातील वडगांव, चतुःश्रृंगी, वारजे जलकेंद्र परीसर येथील विद्युत आणि इतर देखभाल दुरुस्तीचे काम हाती घेतलं जाणार आहे. त्यामुळे येत्या गुरूवारी म्हणजेच 11 फेब्रुवारीला संपूर्ण पुणे शहरात पाणीपुरवठा बंद राहणार आहे, अशी माहिती पुणे महापालिकेकडून देण्यात आली आहे. याशिवाय येत्या शुक्रवारी सकाळी उशिरा आणि कमी दाबाने पाणीपुरवठा होण्याची शक्यता आहे. तरी सर्व पुणेकरांनी याबाबत नोंद घ्यावी, असं आवाहन पुणे महापालिका प्रशासनाकडून करण्यात आलं आहे.