महाराष्ट्रातील भाजपच्या मुंबईतील प्रदेश कार्यालयाला आग लागल्याची घटना समोर आली आहे. चर्चगेट येथील भाजपच्या प्रदेश मुख्यालयात आग लागल्याचे वृत्त समजताच एकच खळबळ उडाली. मिळालेल्या माहितीनुसार, कार्यालयातील किचनमध्ये ठिणगी पडल्याने ही आग लागली. त्यानंतर आग विझवण्यासाठी अग्निशमन दलाच्या अनेक गाड्या घटनास्थळी पोहोचल्या.
मुंबईतील भाजप प्रदेश कार्यालयाच्या स्वयंपाकघरात आग लागली. या आगीवर नंतर नियंत्रण करण्यात आले. सूत्रांनी दिलेल्या माहितीनुसार, शॉर्ट सर्किटमुळे अचानक धूर निघू लागला, त्यानंतर अग्निशमन दलाला तातडीने पाचारण करण्यात आले. अग्निशमन दलाच्या 2 गाड्यांनी आग आटोक्यात आणली, सुदैवाने या घटनेत कोणीही जखमी झाले नाही आणि कोणालाही जीव गमवावा लागला नाही.
सुदैवाची गोष्ट म्हणजे रविवार असल्याने कार्यालयात एकही वरिष्ठ अधिकारी उपस्थित नव्हता, तसेच कामगारही नव्हते.