ठाण्यात प्रसिद्ध मॉलमध्ये भीषण आग

Thane news : ठाण्यातील एका प्रसिद्ध मॉलमध्ये सकाळी अचानक आग लागली. मॉलच्या दुसऱ्या मजल्यावर असलेल्या पुमा ब्रँड आउटलेटमध्ये आग लागली होती, जी विझवण्यात आली आहे. मंगळवारी महाराष्ट्रातील ठाणे जिल्ह्यातील घोडबंदर रोड कॉम्प्लेक्समध्ये असलेल्या हायपरसिटी मॉलमध्ये अचानक आग लागली. सुदैवाने ही घटना सकाळी घडली आणि मॉलमध्ये एकही ग्राहक उपस्थित नव्हता, त्यामुळे मोठी दुर्घटना टळली.   

मिळालेल्या माहितीनुसार ठाणे महानगरपालिकेच्या आपत्ती विभागाला आगीची माहिती मिळताच, पथक तात्काळ घटनास्थळी पोहोचले. याशिवाय कासारवडावली पोलिस स्टेशनचे अधिकारीही त्यांच्या पथकासह घटनास्थळी पोहोचले. आगीवर नियंत्रण मिळविण्यासाठी अग्निशमन विभागाने एक पिकअप अग्निशमन वाहन, अग्निशमन अधिकारी, एक बचाव वाहन आणि एक उंच इमारतीचे वाहन पाठवले. घोडबंदर रोडवरील हायपरसिटी मॉल हे प्रमुख खरेदी केंद्र आहे. तसेच आगीचे कारण काय होते? तपास सुरू आहे.

Edited By- Dhanashri Naik<>