कोल्हापूरातील उमा टॉकीज चौकात झालेल्या भीषण अपघातात 2 जण ठार झालेत. महाराष्ट्र राज्य परिवहन मंडळाच्या बसने 5 दुचाकी आणि दोन टाटा सुमो आणि एका मारुती व्हॅनला धडक दिली. एसटी चालकाला ह्दयविकाराचा झटका आल्याने त्याचे बसवरील नियंत्रण सुटले आणि बसने आठ गाड्यांना धडक दिल्याचेप्रत्यक्षदर्शिनी सांगितले. अपघातात 3 ते 4 जण जखमी झाले आहेत. ओढ्यावरचा गणपती मार्गावरून एसटी बस उमा टॉकीज चौकाकडे येत असताना चालकाला ह्दयविकाराचा झटका आला. त्यामुळे चालकाचे बसवरील नियंत्रण सुटले आणि बसने गणपती मंदिरापासून ते उमा टॉकीज चौकापर्यंत अनेक गाड्यांना धडक दिली. त्यानंतर एसटी बस एका सिग्नलच्या पोलवर जावून धडकली आणि थांबली.