नागपुरात ऑटोची बसला धडक, 2 लष्करी जवान ठार, 7 जखमी

नागपुरात भीषण अपघात घडला आहे. ऑटोची बसला धडक लागून लष्कराच्या 2 जवानांचा मृत्यू झाला तर 7 जण जखमी झाले. हा अपघात कन्हान पुलावर झाला.ऑटो आणि बस यांच्यात समोरासमोर धडक झाली, त्यात ऑटो चक्काचूर झाला. 

सदर घटना नागपुरातील कन्हान पुलावर झाला असून ऑटो आणि ट्रॅव्हलर बस मध्ये समोरासमोर धडक झाली या मध्ये दोन जवान शहीद झाले असून 6 जवान आणि चालक जखमी झाले. त्यांच्यावर रुग्णालयात उपचार सुरु आहे. 

मिळालेल्या माहितीवर, कामठी येथील गार्ड रेजिमेंट सेंटरचे 15 जवान दोन ऑटो रिक्षातुन जात असताना भरधाव वेगाने येणाऱ्या बस ने एका ऑटोला  जोरदार धडक दिली. या मध्ये दोन जवान जागीच ठार झाले.

या ऑटो मध्ये चालकासह एकूण 9 जण होते.7 जण जखमी झाले असून त्यांना रुग्णालयात दाखल केले. 

अपघातानंतर स्थानिकांनी बसची तोडफोड केली आणि नागपूर- जबलपूर महामार्ग रोखून धरला. धडक कशा मुळे झाली पोलीस शोध घेत आहे. पोलिसांना माहिती मिळाल्यावर ते घटनास्थळी पोहोचले. नवीन कामठी पोलीस पुढील तपास करत आहे.  

Edited by - Priya Dixit