महाराष्ट्रात आजपासून बारावी बोर्ड परीक्षा सुरू, १५ लाखांहून अधिक विद्यार्थी सहभागी

Maharashtra News: महाराष्ट्रात बारावीची बोर्ड परीक्षा आजपासून मंगळवार, ११ फेब्रुवारीपासून सुरू होत आहे. याआधी राज्यातील सर्व परीक्षा केंद्रांवर तयारी पूर्ण झाली आहे. महाराष्ट्र राज्य माध्यमिक आणि उच्च माध्यमिक शिक्षण मंडळ, पुणे यांच्या वतीने आयोजित बारावीची परीक्षा ११ फेब्रुवारीपासून आणि दहावीची परीक्षा २१ फेब्रुवारीपासून सुरू होणार आहे. यावर्षी राज्यात बारावीच्या बोर्ड परीक्षेसाठी एकूण १५ लाख ५ हजार ३७ विद्यार्थ्यांनी नोंदणी केली आहे.

तसेच परीक्षेच्या पार्श्वभूमीवर परीक्षा केंद्रांवर प्रतिबंधात्मक आदेश लागू करण्यात आले आहे. परीक्षा शांततेत आणि कॉपीमुक्त वातावरणात पार पडावी यासाठी, जिल्ह्यात शिक्षण अधिकारी (माध्यमिक), शिक्षण अधिकारी (प्राथमिक), उपशिक्षण अधिकारी (माध्यमिक), महिला अधिकारी वर्ग-१ यांचा समावेश असलेले भरारी पथके स्थापन करण्यात आली आहेत, ज्यात जिल्हा शिक्षण आणि प्रशिक्षण संस्थेचे प्राचार्य, जिल्हा शिक्षण आणि प्रशिक्षण संस्थेचे वरिष्ठ अधीक्षक इत्यादींचा समावेश असेल.

बारावी आणि दहावीच्या बोर्ड परीक्षांच्या पार्श्वभूमीवर परीक्षा केंद्रांवर प्रतिबंधात्मक आदेश लागू करण्यात आले आहे. सकाळी ६ ते सायंकाळी ७ वाजेपर्यंत परीक्षा केंद्राभोवतीचा १०० मीटरचा परिसर प्रतिबंधित क्षेत्र म्हणून घोषित करण्यात आला आहे. या काळात, परीक्षा केंद्राच्या १०० मीटर परिसरात दोन किंवा अधिक व्यक्ती एकत्र येऊ शकणार नाहीत.

Edited By- Dhanashri Naik<>