मी पुन्हा येईन, मी कसा येतो ते माहिती आहे- देवेंद्र फडणवीस

महाराष्ट्रातील सत्तासंघर्षाचा निकाल येत्या काही दिवसात लागण्याची शक्यता आहे. त्यामुळे राजकीय वर्तुळात हालचाली सुरू झाल्या आहेत. त्यात उपमुख्यमंत्री देवेंद्र फडणवीस यांनी वक्तव्य केलंय की मी पुन्हा येईन आणि मी कसा येतो ते तुम्हाला माहिती आहेच. महाराष्ट्र टाइम्सने ही बातमी दिली आहे.

त्यावर प्रतिक्रिया देताना राष्ट्रवादी काँग्रेसचे अध्यक्ष शरद पवार म्हणाले, “कोर्टाचा निकाल काय येईल हे मी सांगू शकत नाही, पण देवेंद्र फडणवीसांना कोर्टाचा निकाल माहिती असेल त्याचमुळे पुन्हा येईन असं ते म्हणतायेत... जर त्यांना निकाल माहिती असेल तर ते काहीही बोलू शकतात..."

कोर्टाचा निकाल येणार याची लक्षणं दिसताच मुख्यमंत्री एकनाथ शिंदे यांनी राज्यपाल रमेश बैस यांच्यासोबतची 'डिनर डिप्लोमसी' आणि मंत्र्यांच्या गोटात पसलेली अस्वस्थता असं सगळं वातावरण असताना उपमुख्यमंत्री देवेंद्र फडणवीस यांनी हे वक्तव्य केलं आहे.
Published By -Smita Joshi