ग्राम विकास मंत्री हसन मुश्रीफ यांनी शुक्रवारी (7 मे) भाजपाचे प्रदेशाध्यक्ष चंद्रकांत पाटील यांच्यावर अब्रूनुकसानीची नोटीस काढण्याचा इशारा दिला होता. त्याला चंद्रकांत पाटील यांनी प्रत्युत्तर दिलं आहे. ते कोल्हापुरात एका पत्रकार परिषदेत बोलत होते.
"हसन मुश्रीफ यांनी माझ्यावर अब्रूनुकसानीचा दावा खुशाल दाखल करावा, मी कोणाला घाबरत नाही. माझी सर्व संपत्ती विकली तरी 100 कोटी काय, 1 कोटीही निघणार नाहीत मुश्रीफ जर त्यात यशस्वी झाले, तर मग मलाच विकावे लागेल," असं चंद्रकांत पाटील म्हणाले.