येत्या काळात येणाऱ्या मीरा-भाईंदर महानगरपालिकेच्या निवडणुका पाहाता मुंबई मेट्रोचा विस्तार करण्याची महत्त्वपूर्ण घोषणा मुख्यमंत्री देवेंद्र फडणवीस यांनी विधानसभेत केली. अंधेरी-दहिसर मेट्रो मार्ग मीरा-भाईंदरपर्यंत वाढवण्यात येणार असल्याचं मुख्यमंत्र्यांनी सांगितंल. कुलाबा – सीप्झ मार्गावरील मेट्रो विमानतळापर्यंत वाढवण्यात येणार आहे. यासाठी 23 हजार 136 कोटींचं कर्ज ‘जायका’ कंपनी देणार आहे. 2020 सालापर्यंत या मार्गावरील मेट्रो धावणार आहे. अंधेरी- दहिसर मेट्रो मीरा-भाईंदरपर्यंत वाढवण्यात येणार आहे. या मेट्रोला ‘मेट्रो 9’ या नावाने ओळखले जाईल. या 13 किलोमीटरच्या मार्गावर 10 मेट्रो स्थानकं असतील. यासाठी एकूण 6 हजार 518 कोटींचा खर्च येणार आहे.