Father Kills Son नागपूर जिल्ह्यातून एक धक्कादायक घटना समोर आली आहे. जिथे फोनवर मोठ्याने बोलण्यास आक्षेप घेतल्याने एका व्यक्तीने आपल्या मुलाची हत्या केली. हत्येच्या आरोपाखाली पोलिसांनी आरोपी वडिलांना अटक केली आहे.
फोनवर मोठ्याने बोलण्यावरून झालेल्या वादातून नागपूर जिल्ह्यातील ग्रामीण भागात राहणाऱ्या एका व्यक्तीने आपल्या मुलाची हत्या केल्याचे पोलिसांनी सांगितले. नागपूर शहरापासून 30 किमी अंतरावर असलेल्या पिपरा गावात सोमवारी ही घटना घडली. मंगळवारी या तरुणाचा रुग्णालयात उपचारादरम्यान मृत्यू झाला. घटनेनंतर आरोपी रामराव काकडे याला अटक करण्यात आली.
बेला पोलिस ठाण्याच्या अधिकाऱ्याने सांगितले की, “मुलगा सूरजने रामराव काकडे फोनवर मोठ्याने बोलण्यास आक्षेप घेतला होता. त्यानंतर पिता-पुत्रांमध्ये वाद झाला. त्यानंतर रामरावांनी मुलगा सूरजवर स्टीलच्या रॉडने हल्ला केला. सुरजला रुग्णालयात दाखल करण्यात आले, तेथे मंगळवारी उपचारादरम्यान त्याचा मृत्यू झाला.
आरोपी रामराव काकडे याच्याविरुद्ध भारतीय दंड संहिता (आयपीसी) कलम 302 (हत्या) अंतर्गत एफआयआर दाखल करण्यात आला आहे. घटनेच्या वेळी पिता-पुत्र दोघेही दारूच्या नशेत होते, असे सांगण्यात येत आहे. या घटनेने कुटुंबात खळबळ उडाली आहे.