एका धक्कादायक घटनेत 13 गरोदर महिलांना घेऊन जाणाऱ्या एका ॲम्ब्युलन्सचा अपघात झाला आहे. मात्र सुदैवाने मोठा अनर्थ टळला असून गरोदर महिला थोडक्यात बचावल्या.
नंदुरबार जिल्ह्यातील शहादा लोणखेडा कॉलेज गेटसमोर रुग्णवाहिकेचा अपघात झाला. गरोदर महिलांना सोनोग्राफी करण्यासाठी घेऊन जाणारी ऍम्ब्युलन्स पलटी झाली. सुदैवाने या अपघातात कुठलीही जीवित हानी झाली नाही. या अपघातात 14 जण जखमी झाले आहे.
अपघातामध्ये जखमी झालेल्या गरोदर महिलांना शहादामधल्या उपजिल्हा रुग्णालयात उपचारासाठी नेण्यात आले आहे. ऍम्ब्युलन्सचा अपघात कसा झाला यावर अधिक तपास सुरू आहे.
पोलीस या अपघात प्रकरणी अधिक तपास करत आहे. मात्र सुदैवाने या अपघातामध्ये 13 गरोदर महिला बचावल्या आहेत.