जासई नाका नजीक सुरू असलेल्या जेएनपीटीचा उड्डाण पूलावर १४ मीटर उंचीवर टाकण्यात आलेला वाय आकाराचा कॅप आज दुपारच्या सव्वाचार वाजेच्या सुमारास परातीसह अचानक कोसळला आहे. या अपघातामध्ये १ कामगार जागीच मृत्यू झाला आहे. ६ जण गंभीर जखमी झाले आहेत.
गंभीररित्या जखमी झालेल्या ६ कामगारांना जेएनपीटी आणि एमजीएम बेलापूर या ठिकाणी असलेल्या रुग्णालयात दाखल करण्यात आले असल्याची माहिती उरण तहसीलदार भाऊसाहेब अंधारे उरण पोलिस ठाण्याचे वरिष्ठ पोलीस निरीक्षक रवींद्र बुधवंत यांनी दिली आहे.