आपल्या मतदारसंघातील ज्येष्ठ नागरिकांसाठी खासगी रुग्णालयातही मोफत लस देण्याचं आश्वासन आमदार नितेश राणे यांनी दिलंय.
माझ्या कणकवली, देवगड, वैभववाडी मतदारसंघातील सर्व दारिद्र्य रेषेखालील कुटुंबातील 60 वर्षांपेक्षा अधिक वय असलेल्या सदस्यांना कोविड लस आणि तीही सरकारी रुग्णालयात विनामूल्य मिळेलच. पण, माझ्या मतदारसंघातील जे 60 वर्षे वयावरील ज्येष्ठ नागरिक आहेत, त्यांनी खासगी रुग्णालयात जाऊन कोरोनाची लस घेतली तरी, त्यांना ती मोफत देण्याची व्यवस्था आम्ही केली आहे. प्रत्येकास सुरक्षित आणि निरोगी आयुष्य मिळावे हेच आमचं ध्येय असल्याचं आमदार नितेश राणे यांनी म्हटलंय. नितेश राणेंनी आपल्या ट्विटर अकाऊंटवरुन यासंदर्भात माहिती दिली.