सध्या अनेक चौकशी फेरयात अडकलेले आणि सध्या तुरुंगातून प्रकृती खराब असल्याने जे जे रुग्णालयात छगन भुजबळ दाखल आहेत. तर त्याचवेळी सत्तधारी आणि बहुजन नेत्या महिला आणि बालकल्याण मंत्री पंकजा मुंडे यांनी आज थेट जे जे रुग्णालयात जाऊन राष्ट्रवादी काँग्रेसचे नेते छगन भुजबळ यांची भेट घेतलीआहे.
भुजबळ यांची प्रकृती बिघडल्यामुळे तीन दिवसापूर्वी त्यांना तुरुंगातून जे जे रुग्णालयात दाखल करण्यात आलं होत. तेथे त्यांच्यावर सध्या उपचार सुरु आहेत.
भुजबळ यांना 15 सप्टेंबरपासून ताप होता. मदतीशिवाय भुजबळांना दोन पावलेही चालता येत नसल्याची माहिती मिळते आहे. शरिरातील प्लेटलेट्स कमी झाल्या असून, ब्लडप्रेशर 104/55 इतकं आहे. प्रचंड दम लागणे, झोप न लागणे, छातीत कळ येणे असेही त्रास भुजबळांना होत आहेत.त्यामुळे भुजबळांच्या प्रकृतीची विचारपूस करण्यासाठी आज पंकजा मुंडे यांनी जे जे रुग्णालयात धाव घेतली. प्रथमच कोणत्या तरी सत्तेतील नेत्याने आणि मंत्र्याने भुजबळ यांची प्रत्यक्ष भेट घेतली आहे. भुजबळ यांनी जामीन मिळावा या करिता न्यायालयात अर्ज केला आहे.