पद्मभुषण पुरस्कारप्राप्त योगाचार्य बी.के.एस.अय्यंगार यांचे मंगळवारी मध्यरात्री पुण्यात निधन झाले. ते 96 वर्षांचे होते. पुण्यातील प्रयाग रूग्णालयात अय्यंगार यांची प्राणज्योत मालवली. 12 ऑगस्टपासून त्यांच्यावर रूग्णालयात उपचार सुरू होते. मंगळवारी त्यांची प्रकृती अचानक खालावली. अय्यंगार यांची किडनी निकामी झाली होती. तसेच त्यांचे हृदयही फक्त 20 टक्केच काम करत होते.
देशाचे पंतप्रधान नरेंद्र मोदी यांनी योगाचार्य अय्यंगार यांच्या निधनाचे दु:ख व्यक्त केले आहे. योग क्षेत्रात दिलेल्या योगदानामुळे अय्यंगार यांना पुढील अनेक पिढ्या स्मरणात ठेवतील, असा शब्दात मोदी यांनी 'टि्वटर'च्या माध्यमातून श्रद्धांजली अर्पण केली आहे.
आज (बुधवार) एक वाजता पुण्यात त्यांच्यावर अंत्यसंस्कार करण्यात येतील.