कॉंग्रेसचे उपाध्यक्ष राहुल गांधी यांची आज (बुधवारी) दुपारी एक वाजता जाहीर सभा होणार आहे. शहरातील मराठवाडा सांस्कृतिक क्रीडा मंडळाच्या मैदानावर दुपारी जाहीर सभा होत आहे. राहुल यांच्यासोबत राज्यांचे मुख्यमंत्री पृथ्वीराज चव्हाण असतील.
राहुल यांचे सकाळी 9 वाजता औरंगाबादेत विमानाने आगमन होईल.तेथून ते शिरपूरकडे रवाना होतील. दुपारी 12 वाजता ते परत शहरात येतील. सुभेदारी विश्रामगृहात भोजन घेतल्यानंतर 1 वाजता सभास्थळी उपस्थिती देतील. पुन्हा धुळ्याकडे रवाना होतील.
यासभेला राज्याच्या दोन माजी मुख्यमंत्र्यांना व्यासपीठावर स्थान देण्यात आले आहे. यात अशोक चव्हाण आणि शिवाजीराव पाटील निलंगेकर यांचा समावेश राहणार आहे. याशिवाय महाराष्‍ट्राचे प्रभारी मोहन प्रकाश, प्रदेशाध्यक्ष मा‍‍णिकराव ठाकरे, महसूलमंत्री बाळासाहेब थोरात, संसदीय कामकाजमंत्री हर्षवर्धन पाटील,शालेय शिक्षणमंत्री राजेंद्र दर्डा, राज्यमंत्री डी.पी.सावंत, माजी राज्यमंत्री अब्दुल सत्तार आदी नेते उपस्थित राहणार आहेत