निवडणूक आयोगाने दोन राज्यांतील मतमोजणीची तारीख बदलली, अरुणाचल आणि सिक्कीममध्ये 2 जून रोजी मतमोजणी

Election news update : निवडणूक आयोगाने रविवारी अरुणाचल प्रदेश आणि सिक्कीमच्या विधानसभा निवडणुकीच्या मतमोजणीची तारीख बदलून 4 जून 2 जून केली आहे.

अरुणाचल प्रदेशातील 60 जागांसाठी विधानसभेची अधिसूचना 20 मार्च रोजी प्रसिद्ध होणार आहे. 19 एप्रिल रोजी पहिल्या टप्प्यातील मतदानासोबतच येथे विधानसभा निवडणुकीचे मतदान होणार आहे. त्याचप्रमाणे सिक्कीमच्या 32 विधानसभा जागांवरही लोकसभा निवडणुकीसोबतच 19 एप्रिलला मतदान होणार आहे.

अरुणाचल प्रदेश आणि सिक्कीम या दोन्ही विधानसभांचा कार्यकाळ 2 जून 2024 रोजी संपत आहे.

आंध्र प्रदेश विधानसभा निवडणुकीसाठी 13 मे रोजी मतदान होणार आहे, तर ओडिशामध्ये 13 मे ते 1 जून या कालावधीत 4 टप्प्यात विधानसभा निवडणुका होणार आहेत. या दोन राज्यांतील मतमोजणी 4 जून रोजी होणार आहे.