कुस्तीपटू विनेश फोगट आणि साक्षी मलिक यांच्यासह पाच महिला खेळाडू बीबीसीच्या स्पोर्ट्सवुमन ऑफ द इयर पुरस्कारासाठी स्पर्धेत आहेत. इतर नामांकनांमध्ये ऑलिम्पिक रौप्यपदक विजेती महिला वेटलिफ्टर मीराबाई चानू, बॅडमिंटनपटू पीव्ही सिंधू आणि बॉक्सर निखत जरीन यांचा समावेश आहे.
पत्रकार आणि लेखकांच्या ज्युरीने कामगिरीच्या आधारे या खेळाडूंची निवड केली आहे. सोमवारपासून क्रीडाप्रेमींना त्यांच्या आवडत्या खेळाडूला ऑनलाइन मतदान करता येणार आहे. मतदानाची अंतिम मुदत 20 फेब्रुवारी मध्यरात्री असेल. 5 मार्च रोजी विजेत्याची घोषणा केली जाईल.
यावेळी भारतातील पॅरा महिला खेळाडूंसाठीही वेगळी पुरस्कार श्रेणी ठेवण्यात आली आहे. या निर्णयाचे स्वागत करताना, 2018 पॅरा आशियाई क्रीडा स्पर्धेतील सुवर्णपदक विजेती एकता भयान म्हणाल्या की पॅरा-अॅथलीट्ससाठी स्टेडियम अधिक अनुकूल बनवणे आवश्यक आहे. आपल्याला मानसिक अडथळे दूर करावे लागतील. अजूनही 60 ते 70 टक्के अपंग घरांमध्येच बंदिस्त आहेत. तळागाळात काम करण्याची गरज आहे.
बीजिंग 2008 मध्ये बॉक्सिंगमध्ये पहिले ऑलिम्पिक पदक जिंकणारा विजेंदर सिंग म्हणाले की, महिला खेळाडूंना अधिक सन्मानाची गरज आहे. भारतीय बॉक्सिंग फेडरेशन आपल्यासारख्या बॉक्सरच्या संपर्कात नसल्याचेही त्याने सांगितले. भारतातील प्रत्येक गावात अनेक खेळांसाठी सुविधा असलेले स्टेडियम असले पाहिजे