भारताची स्टार दुहेरी जोडी सात्विकसाईराज रँकीरेड्डी आणि चिराग शेट्टी यांनी गुरुवारी जागतिक बॅडमिंटन चॅम्पियनशिपच्या उपांत्यपूर्व फेरीत प्रवेश केला. भारतीय जोडीने इंडोनेशियाच्या लिओ रौनी कर्नांडो आणि डॅनियल मार्टिन यांचा तीन गेममध्ये पराभव केला. सात्विक आणि चिराग या जागतिक क्रमवारीत दुसऱ्या क्रमांकाच्या भारतीय जोडीने गेल्या मोसमात या चॅम्पियनशिपमध्ये कांस्यपदक जिंकले होते. सात्विक आणि चिराग जोडीने उपांत्यपूर्व फेरीत 21-15, 19-21, 21-9 असा सामना जिंकला.
भारतीय महिला जोडी त्रिशा जॉली आणि गायत्री गोपीचंद पराभूत होऊन जागतिक स्पर्धेतून बाहेर पडली. त्रिशा आणि गायत्री यांना प्री-क्वार्टर फायनलमध्ये चीनच्या चेन किंग आणि जिया यी फॅन या जोडीकडून 42 मिनिटांत 14-21, 9-21 असा पराभव पत्करावा लागला. भारतीय महिला जोडीने गेल्या दोन मोसमात ऑल इंग्लंड चॅम्पियनशिपची उपांत्य फेरी गाठली होती.