CWG 2022 Day 4 Live Updates: आज बर्मिंगहॅम येथे आयोजित राष्ट्रकुल खेळ 2022 चा चौथा दिवस आहे, म्हणजे सोमवार, 1 ऑगस्ट.भारताने आतापर्यंत 8 पदके जिंकली असून आजही भारताला पदक जिंकण्याची संधी आहे.भारतीय महिला लॉन बॉल्स संघाने इतिहास रचला कारण संघाने उपांत्य फेरीत न्यूझीलंडला पराभूत करून किमान रौप्य पदक निश्चित केले.ज्युदोमध्ये सुशीला देवी लिकमाबमला महिलांच्या 48 किलो वजनी गटात अंतिम फेरीत पराभव पत्करावा लागल्याने रौप्यपदकावर समाधान मानावे लागले, तर विजयने 60 किलो गटात कांस्यपदक जिंकले.बॉक्सर अमित पंघल आणि मोहम्मद समुद्दीन यांनी उपांत्यपूर्व फेरी गाठली आहे.वेटलिफ्टिंगमध्ये अजय सिंग पुरुषांच्या 81 किलो वजनी गटात चौथ्या स्थानावर राहिला.जलतरणपटू साजन प्रकाश 100 मीटर बटरफ्लायच्या उपांत्य फेरीत प्रवेश करू शकला नाही. महिला स्क्वॉशपटू जोश्ना चिनप्पाला उपांत्यपूर्व फेरीत 0-3 (9-11, 5-11, 13-15) असा पराभव पत्करावा लागला.जिम्नॅस्टिक्समध्ये प्रणती नायकने व्हॉल्टच्या अंतिम फेरीत पाचवे स्थान पटकावले.भारतीय पुरुष हॉकी संघाला त्यांच्या पूल ब सामन्यात इंग्लंडविरुद्ध 4-4 अशी बरोबरी साधावी लागली.याशिवाय भारताच्या काही खेळाडूंना आपले पदक निश्चित करण्याची संधी आहे, कारण भारतीय खेळाडू पुरुष टेबल टेनिसमध्ये उपांत्य फेरीत प्रवेश करतील.
CWG 2022 दिवस 4 लाइव्ह अपडेट्स:
10:20 PM: हॉकीमध्ये भारत विरुद्ध इंग्लंड 4-4 अशी बरोबरी
भारतीय पुरुष हॉकी संघाला इंग्लंडविरुद्ध 4-4 अशी बरोबरी साधावी लागली. एकवेळ भारतीय संघ 4-1 ने आघाडीवर होता, पण इंग्लंडने पुनरागमन करत सामना अनिर्णित केला.
भारतीय जुडोका विजय कुमारने सायप्रसच्या प्राटोचा पराभव करत कांस्यपदक जिंकले.त्याने हे पदक 60 किलोमध्ये जिंकले.CWG 2022 मधील भारताचे हे आठवे पदक आहे.
10:06 PM: ज्युदोमध्ये भारताची निराशा, सुशीला अंतिम फेरीत हरली
भारतीय ज्युडोका सुशीला देवीला अंतिम पराभवानंतर रौप्य पदकावर समाधान मानावे लागले.महिलांच्या ४८ किलो वजनी गटाच्या फायनलमध्ये तिला दक्षिण आफ्रिकेच्या मायकेला व्हाईटबायकडून पराभव पत्करावा लागला.